საქართველოს სტატისტიკის ეროვნული სამსახურის (საქსტატი) მონაცემებით 2019 წლის ორ თვეში მსუბუქი ავტომობილების იმპორტმა 67,5 მილიონი დოლარი შეადგინა. 2018 წლის ორი თვის მონაცემებით, მსუბუქი ავტომობილების იმპორტი მოცულობა 71,6 მილონი დოლარი იყო. გასული წლის მაჩვენებლებთან შედარებით, ქვეყანაში მსუბუქი ავტომობილების იმპორტი 5,7 % -ით შემცირდა.  

რაც შეეხება ექსპორტის მონაცემებს, 2019 წელს საქართველოდან  56,1 მილიონი დოლარის ღირებულების მსუბუქი ავტომობილების ექსპორტი განხორციელდა. 2018 წლის ორ თვეში ეს მაჩვენებელი 38 მილიონი დოლარი იყო. ზრდამ დაახლოებით 47% შეადგინა. 

საქსტატის მონაცემები აჩვენებს, რომ ქვეყანაში მიმდინარე წლის ორი თვეში მსუბუქი ავტომობილების იმპორტი შემცირდა, ხოლო ექსპორტი გაიზარდა. 

საქსტატის მონაცემებით, 2019 წლის იანვარ-თებერვალში საქართველოში საქონლით საგარეო სავაჭრო ბრუნვამ (არადეკლარირებული ვაჭრობის გარეშე) 1 739.8 მლნ აშშ დოლარი შეადგინა, რაც წინა წლის შესაბამის მაჩვენებელს 3.6 პროცენტით აღემატება. აქედან ექსპორტი 505 მლნ აშშ დოლარს (13.2 პროცენტით მეტი), ხოლო იმპორტი 1 234.8 მლნ აშშ დოლარს (0.1 პროცენტით მეტი) შეადგენს.