სომხეთმა და რუსეთმა, ზემო ლარსზე სასაზღვრო პროცედურების გამარტივების საკითხები განიხილეს. ინფორმაციას სომხეთის სახელმწიფო შემოსავლების კომიტეტის პრეს-სამსახური ავრცელებს.

რუსეთის ჩრდილო-კავკასიის სასაზღვრო სამმართველოს და ჩრდილოეთ ოსეთის სასაზღვრო დელეგაციის წარმომადგენლებმა 20-23 მაისს, ერევანში, ადგილობრივი სახელმწიფოს სასაზღვრო სამსახურების წარმომადგენლებთან შეხვედრა გამართეს, სადაც თანამშრომლობის გაღრმაცებაზე შეთანხმდნენ.

შეხვედრაზე, „ევრაზიის ეკონომიკური კავშირის“ ფარგლებში, სომხეთსა და რუსეთს შორის ტვირთების გადაზიდვის საკითხი განიხილეს, საქართველოს ტერიტორიის გავლით.

ასევე, განიხილეს, სასაზღვრო პროცედურებთან დაკავშირებით, ინფორმაციის გაცვლისა და ტვირთების უფრო სწრაფად რეგისტრირების საკითხი, „ზემო ლარსის“ საშუალებით.

„ზემო ლარსის“ სასაზღვრო-გამშვები პუნქტი მდებარეობს სტეფანწმინდა-ლარსის გზაზე, რომელიც ერთადერთი სახმელეთო მარშრუტია, სომხეთსა და რუსეთს შორის დასაკავშირებლად.