პროგრამა „ნარჩენების მართვის ტექნოლოგია რეგიონებში“, ფაზა II, (USAID WMTR II/ CENN) მეორედ აცხადებს ქაღალდის ნარჩენების სეპარირებული შეგროვების კონკურსს კახეთის, აჭარის, შიდა ქართლისა და თბილისის სკოლებისათვის.

► პირველ ჯერზე, კონკურსს, მოსწავლეების დიდი გამოხმაურება მოჰყვა და მის ფარგლებში 135-მა სკოლამ, ერთი თვის განმავლობაში, მთლიანობში 53,272,3 კგ მაკულატურა შეაგროვა.

► ამჯერადაც, კონკურსში მონაწილეობა შეუძლია მიიღოს ზემოთ აღნიშნული რეგიონების ნებისმიერი სკოლის მაქსიმუმ 5 მოსწავლისა და 1 მასწავლებლისგან შემდგარ გუნდს, რომელსაც სურვილი აქვს,1 თვის განმავლობაში, თავის თემში შეაგროვოს ქაღალდის ნარჩენები და ამით ხელი შეუწყოს ნარჩენების სეპარაციის პრაქტიკის დანერგვას ქვეყანაში.

► კონკურსში ჩართვისათვის დაინტერესებულმა გუნდმა უნდა გაიაროს რეგისტრაცია 17 აპრილამდე შემდეგ ბმულზე: https://bit.ly/2TUyN1z

ქაღალდის ნარჩენების შესაგროვებლად გუნდებს დრო 17 მაისამდე ექნებათ.

► 7 გუნდი, რომელიც ყველაზე დიდი რაოდენობის ქაღალდის ნარჩენს შეაგროვებს, მიიღებს საგზურს ბულაჩაურის მწვანე ცენტრის 3 დღიან ეკო ბანაკში, რომელიც დატვირთული იქნება საგანმანათლებლო და შემეცნებითი აქტივობებით. გამარჯვებული გუნდების თითოეულ წევრს კი, Zero effect-ის სასაჩუქრე პაკეტები გადაეცემათ.

♦ დამატებითი კითხვების შემთხვევაში, გთხოვთ, დაგვიკავშირდეთ: mariam.terterashvili@cenn.org